Ceramah Bahasa SEJARAH NABI MUHAMMAD SAW DALAM MEMPERINGATI MAULID RASULULLAH SAW.

Ceramah Bahasa

SEJARAH NABI MUHAMMAD  SAW DALAM MEMPERINGATI MAULID RASULULLAH SAW.

Assalamu alaikum warahmatullahi wabarakatuh…

          Sukkuru’ ki’ mappoji lao ri Puang Allah SWT, nasaba lettu makkokkoe na alekki adisingeng nennia atuo-tuongeng lino na topada si runtu maddeppungeng ri onroang mabbarakkae…

          Salawa’ nennia’ mappassalama’ lao ri nabitta Muhammad SAW, iyana ritu nabi iyae jellorengngi laleng malempue  nennia  pitakki acenningenna sellengnge…

Sininna umma’ sellengnge engkae hadere’…

          Rilalenna iye kesempatangnge, palabe’ ka rampeakki siddi judul yana ritu SEJARAH NABI MUHAMMAD  SAW DALAM MEMPERINGATI MAULID RASULULLAH SAW.

Sininna umma sallengnge engkae hadere…

          Parellu irisseng makkada, iyaro nabitta wattunna de’ pa na iyakka mancaji nabi. Sininna tau e rilino mega ladde pigau anu-anu maja’e.  iyanaritu mappangaddi’, mabboto, minnau, nennia sininna pigau ja’e na pigau maneng. Onro ja’ sipa’ na tau e riyolo, engka siddi tau besse’ I bua-buana makkunrai mattampue. Iyanaritu Umar Bin Khattab…
          Riwettu iyakka na nabitta mancaji nabi. Liwe paha sussana nabitta siarkangngi agama sellengnge. Nasaba’ cedde mopaha tau mateppe lao ri ada-adanna nabitta. Bahkan nabitta iyakkada-kadai tau jangeng nennia I rempe batu lettu maddara. Engka ni kasi’ ana’ na nabitta iyanaritu Fatimah Azzahrah lao turungi nabitta. Terri ni kasi’ pangngulutta Fatimah mitai ambo’ na I rempe’ batu lettu maddara colo’…

Sininna umma sellengnge iyae ri amasei puang Allah ta’ala!!

          Magi naro riyaseng  taung acajingenna nabiita disebut tahun gajah? Nasaba’ iyaro wettue ri kota makka engka tentara abrahah sibawa pasukang gajah na melo’ solangngi kabbae. Tetapi pattujunna solangi kabbae de’ na lettu nasaba’ engka naro manu’-manu’ riyasengnge BURUNG ABABIL tiwi’ batu kerikil melorengngi rempakengngi pasukanna Abrahah nasaba’ parenta pole ri puang ALLAHU SWT..

Allah SWT na rampeakki  rilaleng akoranna ri surah Al-fil ayat 1-5:
artinya:

1.    Apakah kamu tidak memperhatikan bagaimana Tuhan telah bertindak terhadap tentara gajah.

2. Bukankah Dia telah menjadikan tipu daya mereka (untuk menghancurkan Ka’bah) itu sia-sia?

3. Dan Dia mengirimkan kepada mereka burung yang berbondong-bondong

4. Yang melempari mereka denagn batu (berasal) dari tanah yang terbakar.

5. Lalu Dia menjadikan mereka seperti daun-daun yang di makan (ulat).

Sininna umma’ sellengnge ri amasei puang Allah Ta’ala…

          Nari makkuanna naro, parellu I risseng makkada iyaro nabitta iyanaritu tau malebbi nennia lai pancaji sebagai contoh teladan lao ri aselamakeng lino lettu ri akhera’…

          Nulle kapang lettu okkoe mi urampeakki cede sejarah na nabitta, nasaba wettu nennia paddissengekku de’ pa kasi na siaga egana. Jaji millao dampengnga narekko engka atassalangeng upigau iyare ga upau. Akhirul kalam, wabillahi taufik wal hidayah…

Assalamu alaikum warahmatullahi wabarakatuh….

KHUTBAH BAHASA BUGIS

KHUTBAH BAHASA BUGIS

KAUM MUSLIMIM DAN MUSLIMAT JAMA’AH IED RAHIMAKUMMULLAH

Semoga keselamatan, Rahmat ALLAH dan berkahnya senantiasa tercurah kepada kita sekalian. Sejak fajar menyingsing diufuk timur pada pagi hari ini sampai terbenam matahari akhir hari tasyrik 13 Dzulhijjah nanti, kaum muslimin diseluruh penjuru dunia berda dalam suasana IED ADHAH, mereka mengagungkan azma ALLAH dengan takbir, tahmid, dan tahlil.

Tenri sedding assisellengenna essoe nawennie, tajangnge na’ pettangnge, pella’e nakecce’e, mancajiwi bukti nanniya papparingerang ri’ idi umma sellengnge makkeda riwettu tuota sewwa wettu matti napoleiki amateng, riwettu magalatta engka wettu napoleiki lasa, riwettu malolota sewwa wettu napoleiki atowangeng. Wettu masagenata sewwa wettu napoleiki akasi-asingeng.

Nade nasiaga ettana labe’na uleng ramalang narigau engkana nataroangekki puang Allata’ala upe maraja nenniya appalang malleppi-leppi, nenniya nappa mua purana rirowasi alleppereng pittara’e nasibawai addampeng, samanna tabbajo mupi riwettu tosiaddampeng-dampengetta, natopada engka mapaccing pole ridosa’e nenniya assitampungenna ati’e. takkaposi iyae essoe, esso malebbi namsero raja’riseseta idi umma sellengnge, onrong riongroi sipakario rennu, pada roasiwi sikira-kira pannessai tanra asukkureketta nenniya tanra attarima kasitta lao risese arajanna puang Allah ta’ala.

Kaum muslimin dan muslimat jamaah ied yang berbahagia

Rilalenna iyae esso’e dua tellu kajajiang maraja rilalenna lino, iya mancajie tanra alebbirenna nenniya arajangenna agama sellengnge. Mula-mula kajajiang maraja iyanaritu : maddatu sebbu oroane nenniya makkunrai pada maddeppungeng dipadang arafah, iya manengro umma selleng mallaingeng maneng apolengenna, madupa-rupang bahasana, nenniya bangsana makkutoparo sukunna, engka mola tasi, engka mola puttanang, engka manengngi makkoko’e rilapangenna bulu arafah dengan pengorbanan yang sangat besar, napakkua teppe’na lao ripuang Allah ta’ala samanna de’naseddingngi alena napaluttu warang-parangna, nasalai wija-wijanna, nalulu siaga egana arasa-rasang, sarekkuammengngi nabaliwi pattampana puang Allah ta’ala, nalao ritana mapaccingnge, pada maddeppungeng ripadang arafah pada pakei pakeang ihramna, pakeang mapute tenrijai, temmabaju temmassongko, samanna mennangro silalona ripatokkong pole rikubburu’e naripaddeppungeng ripadang mahsyar, napada napoada makkeda :

Hadirin jama’ah ied yang berbahagia

Upeppaha nenniya alabappaha risesena tau engkae pasilennerengngi pakkasiwiyang hajji’e nakarana puang Allah ta’ala, nenniya teppe simata gangkanna nalulu maneng siaga egana rintangan, nasaba napahang madecengngi apaccingeng pole ridosa’e. padatoha ana mula jajie riparimmanana indo’na, turu rimakkedanna nabitta.SAW

Bettuanna : nigi-nigi tau menre hajji nade’to nakkeda ada marota, nenniya de’to nappapole gau maja’ majeppu massu’ni pole ridosana padatoha apaccingenna riwettu rijajiang ri indo’na.

Mekkedatoi nabitta SAW :

Bettuanna : Naiyya hajji ritarimae de’gaga pamalena sanggadinna suruga pammasena puang Allah ta’ala.

Jama’ah ied yang berbahagia

Maduanna kajajiang maraja rilalenna iya’e esso’e, iyanaritu maddatu sebbu umma selleng urowane nenniya makkunrai risiagae egana negara pada lao maneng ritana lapangnge iyarega rimasigi’e pada lao maneng pasilennerangngi  sempajang alleppereng koroba’e rigau engkai paegai appoji-pojinna nenniya takabbere’na lao ripuang Allah ta’ala iya mancajie tanra asseddi-seddinna umma sellengng, pada engka mala jiji sibawa takkatoro nenniya pannessai asseddi-seddinna makkutoparo assirupa-rupanna, padamui engkanna tau kasiasi’e tettong riseddena tau sogi’e, rakyat’e tettong riseddena tau mapparentae, degaga assillaingenna ritu risesena puang Allah Ta’ala, roko pada roko, suju pada suju, tudang pada tudang rigau engkana seddi komando iyanaritu komandona imangnge. Jaji de’ nasitinaja idi umma sellengnge melo situna-tunai, sipeddi-peddiri, nenniya sipandang enteng nasab appongetta seddimi bawang naseng nabitta SAW :

Bettuana : naiyya rupa taue pole manengngi rinabi adam, naiyya nabi adam polei ri tanae nade’ apallebbireng napunnai bangsa ara’e nenniya bangsa ajangnge nenniya makkuli mapute nenniya malotongnge, majeppu kaminag malebbi rikotu mennang iyanaritu mataue ripuang Allah ta’ala.

Jama’ah ied rahimakumullah

Matellunna kajajiang maraja rilalenna iyae esso’e, iyanaritu pada engkaki pakabarui perengngeratta risejarana panggulutta nabi ibrahim nasa riujinna ripuang Allah ta’ala riwettu risurona gere’I ana’na riasengnge ismail. Menuru sejarah panggulutta nabi ibrahim mappulo taunni pura nakawingi bainena riasengnge st. sarah nade’gaga ana’na, gangkanna masara ininnawani pikkirikiwi makkeda narekko matena matti nigana patterui perjuangakk. Nainappa risurona ibrahim ribainena st. sarah sarekkoammengngi napubaine I riyasengnge st. hajar nasimata millau doang ri puang Allah ta’ala makkeda :

Bettuanna : eee. Puang tapakkidalekika ana’ saleh, yarega ana patuju

Aga naripakkidallekina nabi ibrahim, ana iya namminasaiyye iyanaritu riasengnge ismail. Natemmaka rionaritu nasaba ismail saisai ana matturu riparentae, ana marengkalinga ada, ana mancajie cayyana matanna buana atinna. Aroddaningenna temmapettu, napede lao esso pede’ matanre pappojinna ri’ana’na nasaba saisai ana seddi-seddi.

Jamaah ied rahimakumullah

Aga nariujina teppe’na ripuang Allah ta’ala untuk gere’I ana’na iya kamnang napoji’e, sarekkoammangngi nannessa tongeng-tongeng tegae ritu napoji, puanna iyarega ana’na naiyya ibrahim saisai tau maraja tau’ nenniya malamung teppe’na, nade’ natola’I narekko parentana puang Allah ta’ala. Riolotenrijajianna ismail pura memengngi nabi ibrahim makkoroba 1000 kajunna bembe, 300 kajunna tedong, 100 kajunna unta, nainappa makkeda nabi ibrahim, naengkai puang Allah ta’ala, bennengnge engka ana’ oroaneku, majeppu uwakorobattoi ritu rilaleng naporiyoe  puang Allah ta’ala, naiyya tau engkae saksikangngi nenniya malaeka’e takkajenne maneng mitai amala’na nabi ibrahim, as.

Naiya kiya risesena nabi ibrahim cedde mupa koritu.

Riwettu narapi’na ismail umuru’na 12 tahun, nabi ibrahim riparingkalinganni sadda rilaleng tinrona makkeda eh………ibrahim padupani tinja’mu, riwettu naengkalingnna iyae saddae, simata mappikkiri’I ibrahim makkedae : parenta pole ripuang Allah ta’ala iyarega pole risetangnge? Gangkanna ibrahim riwettu kuwaero gerei bembe 1000 kajunna nakapanni makedda purani napasilennerengngi tinja’na. wenni maduanna mengkalingasi sadda makkeda : paddupai tinja’mu, gangkanna maggeresi 100 kajunna unta. Riwenni matellunna naengkalingasi sadda makeda: majeppu puang Allah ta’ala naparetaiyakko gere’I ana’mu ismail gangkanna naenggeranni ibrahim sebagai tinj’na riwettu purana maggere 1400 olokolo.

Riwettu maelo’na paddupai parentana puang Allah ta’ala, nabi ibrahim naolli madecengngi ana’na ismail natteru nakaddao rigau engkana terri manggerangngi nippinna, nappa napoada makkeda :

Bettuanna : eh…..anakku ismail majeppu witako ana rilaleng tinroku ugereko, jaji pakkogitu tanggamu ana’

Naikiya ismail saisai ana’ marengkalinga ada nenniya maraja atturu, gangkanna de’ namalampe pikkiri’na  nade’ namaega nawa-nawanna temmaseleng nappebali makkeda :

Bettuanna : eh ….ambokku tapaddupani aga napparentang puang Allah ta’ala mattipi insya Allah talolongekka saisa tau sabbara.

Jamaah ied rahimakumullah

Naiyya riwettu maelo’na ibrahim tiwi’I ana’na rionrong aggeresenna napodanni bainena st. hajar sarekkuammengngi napappakeiwi ana’na nasaba pakeang kaminang makessin, inappa mala piso nenniya tulu’

Naiyya riwettu lettuna rionring aggeresengnge riseddena mina, poleni iblis maelo pakatulu-tului nakkedaiwi ibrahim pekkogitu tamaelo gere’I ana’ta? Nadegaharo taitai temmaka kessinna ampena, nakkeda ibrahim temmakaharo opojinna anakku naikiya napparenaiyakka puakku gere’I, naulebbirengngi paddioloi pappojikku ripuakku naiyya pappojikku rianakku. Aga nalaosi iblis ri st. hajar nakkeda : magiharo monro kotu mabbe-bebe naengkaiharo lakkaimmu maelo gere’I ana’mu, nakkedana st. hajar namuni iya tunru tokka nagere, narekko parentana mua puang Allah ta’ala naoncoppasiha narekko ana’kku mua, aga nalaosi iblis ri ismail nakkeda eh… ismail magi nade muna mumaseleng, namaeloi hatu ambu’mu gerekko, aga nappebalina ismail makkeda :

Bettuanna : kuwengkalingani nenniya kuturusitoni parentana puakku

Nasimata makkuraga mupa iblis, aga narirempe’na batu ritu ri ismail iyatonaro saba nanariwajikeng pahajiie maddempe rimina, sikira-kira maddukka risetangnge nenniya akkacoe rinabi ismail.

Riwettu de’napa nagere’I ana’na ibrahim, mappasengngi ritu ismail ri ambo’na nasab pappaseng dua tellu, makkeda :

-      Eh…ambokku tasioi kasi duae limakku tataroi masse aja urapa-rapa riwettu tagerekku nassabari upeddiriko ambo

-      Eh…ambokku tapangngoloi kasi rupakku ritanae  bara aja taitaka nassabari namasse nyawata mitaka ambo

-      Eh… ambokku talillingngi kasi pakeyatta, sarekkuammangngi  aja natabbessiri dara, nassabari namakurang appalakku nannenia nassabari namasse babuana indokku narekko naitai daraku

-      Eh…. Ambokku tataroi matareng pisota nenniya tapassitakiwi narekko tagerekka, sarekkoammengngi namalomo kasi riseseku

-       Eh… ambokku nareko lisuki ribola’e tapaletturellaloka kasi selleng mappakarajaku ri indo’ku, nenniya tasuroi kasi sabbarakengngi parentana puang Allah ta’ala sarekkuammangngi nalolongengngi suruga pammasena puang Allah ta’ala

-      Eh… ambokku aja lalo kasi talorangngi anana oroawane lao rindokku, sarekkowammengngi de’ nasimata mompo paresse babuwana kasi indokku lao riya.

Jamaah ied rahimakumullah

Aga riwettu purana mappaseng ismail, nappesonana iya dua lao ripung Allah ta’ala nenniya napaleu toni ritu ibrahim ana’na rigau engkana nabaca “BISMILLAHI ALLAHU AKBAR” naenappa nagere’, naikiya teyai makkanre pisoe, ure tea pettu, dara tea mitti, uli tea sape, juku tea malara, nasaba elo’na puang Allah ta’ala temmakkanre pisoe nakkeda ismail eh….ambokku aja taitai rupakku nasaba napoleiki tu esse babua nassabari natea makkanre piso’e. aga nabettanni pisona ibrahim ribatu’e namapue duana batu’e napakkua tarenna. Nakkedana ibrahim ripiso’e : magi mulle puei batu’e, naellonna ismail de’ mulle manrei akuasanna puang Allah ta’ala mette’I piso’e mappibali makkeda : eh…ibrahim musuroka manrei ellonna ismail nappesangkaika puakku. Aga naengkalingana obbi pole ripuang Allah ta’ala :

Bettuanna : nariollina ibrahim makkeda : eh….ibarahim mupadupani nipimmu, makkuniro riwerengngi pamale risinna tau mappidecengnge, iyae gau mancaji paccoba maraja”

Aga narisellengenna nasaba kibase pole risuruga, iya natiwi’emalaikat jibril. Iyatonaro saba’na nassuroang toi surona puang Allah ta’ala akkorobangnge, iya mancajie laleng maalebbinarigau engkana nappatu-patukeng maladde risesena idi tau masagenae. Makkedai nabitta SAW.

Bettuanna: nigi-nigi lolongeng asagenang wedding makkoroba, nade’ nakkoroba, aja lalo nahaderekiwi allepperengnge

Jama’ah ied rahimakumullah

Jaji nasseriki mala akkalarapangeng sininna idi ummana nabitta SAW, idi sininna tomatowa malebbikku, alaki contoh rinabi ibrahim napasilennerengngi parentana puang Allah ta’ala namuni an’na rela nakorbangkan, apalagi idi ummana nabitta SAW. Nasuromi bawang makkoroba sibawa sapi yarega bembe sesuai sibawa kemampuatta. Idi sininna makkunraiye, alaki contoh ri st. hajar bainena pakkulutta ibrahim de’na halang-halangi lakkainna padupai parentana puang Allah ta’ala yakkeppaha nasuromi/napanggesiwi, idi sinina silessurekku  pemuda dan pemudi pada alaki contoh rinabi ismail namuni alena, jiwana rela nakorbangkan nasaba parentana puang Allah ta’ala natenna jampangi sininna engkae mappakabiling piling untuk papolei parentana puang Allah ta’ala, nalai pringsip makkeda : n

Bangkung mememma ri abbettang, aju memeng ripasanre, polopa panni passuroammi kuturusi.

Jsji pada laoi mai natapa millau doang ripuang Allah ta’ala makkeda : eh…..puang engkaki maiye.. pada pura pasilennerengngi alleppereng koroba’e, de’ lain riakkattai sanggadinna riota nenniya pammaseta puang. Mamuare nasimata rikkatenni masse agamata, waekkeng temmalore’ bokong ampe kale mamuare assitemmereng ritu natattimpa minasae /hajja’e, nassiruju-rujukeng assisompungetta padatta rupatau iyarega tau mapparentat, tatuju laleng pennie, muttama rimasigie nattakatoro pabbanuae, naenceng pulana wassele’na pallaoromae, natuju laleng generasi mudae iya mula pekke’e. naengkani malomo bangungngi kampotta PALLOBORENG SEGERI PANGKEP dalam rangka pembagunan indonesia adil dan makmur sejahtera, aman lahir dan batin. BARAKALLAHULII WALAKUM FIL QUR’ANIL KARIM WAANAFA’NII WAUYYAKUM FIL QUR’ANIL HAKIM

 

Ceramah Bugis ESSO RI MUNRI

Ceramah Bugis

ESSO RI MUNRI

السلام عليكم ورحمة الله وبركاته

Al-hamdulillah, pammase nenniya apangiringeng temmappettuna  Puang maraja akamase lao ri tau ripancajinna, mancaji saba’ nasabari natopada engka tudang mattumanning rilalenna iyyae onrongnge, mamuare’I rio rennunna iyya engkae mancaji akkatta engkai pada rilolongeng, aga nabarakka ritujunna atuo-tuongetta ri lebo’na iyyae lino makkutoparo mancaji laleng asalamakeng ri esso rimunritta matti Insya Allah…

Makkotopa paimeng salawa nenniya pappasalama masse lao rikkeng pengulutta Nabiullah Muhammad SAW. Pangulunna suroe, pattutu’na nabie, naiyya nabi iya pura nalantie Puang Alla Ta,ala untu mancaji rahmatan lil alamin (pammase risininna alangnge).

Sining Umma Selleng Malebbi Engkae Hadere...

Masa depan, narekko ribaca ugi’I, iyanaritu bokong ripuminasae riwettu mangoloe, parellui ripahang makkedae idi engkae lolang rilebo’na iyyae lino, engkakitu pada tau mattenga lalengnge, melo manguju riseuwwae onrong, naengkaki pada matike jakkammenggi cappui bokongnge riolo tellettu’ta rionrong melo’e rijokkai. Iyari sikira-kira mancaji asabareng musti passadiaki bokong, naengka ripake mallaleng, nenniya ranyyameng-nyamengi riwettu lettu’ta. Jaji masa depan engkai nakkatai judul’e yanaritu esso rimunri purata mate.

Sining Umma Selleng Malebbi Engkae Hadere...

Weddinni mancaji pikkiri riseseta makkedae, agaro wappunai untuk molai riasengge amatengeng, engkamuga wedding wanyyameng-nyamengi rimunrinna. Tenniatoga bokong sebbo utiwi, tenyyatoga bokong warimi upaccue, iyyanae parellu pada dipikkiriki, nasaba temmaka rejjina narekko anu sussana riattamaki nadeaga sulo (lampu), temmaka peddina narekko mangoloki lao ripuang Allahu Ta’ala, nadegaga wedding ripuaseng anu deceng. Sessekalemi simata iyya de’e gaga akkegunanna riseseta.

Pada toha napuada Puang Allahu Ta’ala riakorang malebbi’e:

$tBur àMø)n=yz £`Ågø:$# }§RM}$#ur žwÎ) Èbr߉ç7÷èu‹Ï9 ÇÎÏÈ

Bettuanna : “Pura de upancajiwi bangsa jingnge nenniaya rupa tauwe sangadinna untuk massompa lao ri iyya.

Pole ri aya riase, rialai Pahang makkedae, idi engkae ripancaji nenniaya ripalolang enrengnge ripakkedalleki ri Puang Allahu Ta’ala rilebo’na iyyae lino, deaga masero akkatta sangadinna makkasuwiang lao ri Puang Allahu Ta’ala, nasaba iyyanaro mancaji assabareng naengkaki napancaji Puang Allahu Ta’ala. Naiyyamua riasengnge makkasuwiang tannia bawang massempajang, tennia bawang mappuasa, massekke, enrengnge rilainnae paimeng. Nekia sininna amalae yarega pangkaukengnge iyyae siturue agamae. Iyya engkae ripapole nasibawai ati macenning nennia Puang Allahu Ta’ala riakkati simata, riaseng manengngi pakkasiwiang. Contoh engkaki sebagai pbbalu-balu, dehe naengka ribengnguanggi pangellie. Seddiki pakkantoro, dehe naengka riceko-cekoangngi siakkantoroketta dan lain-lain sebagainya.

Ma’asyiral Muslimin, Sining Umma Selleng Malebbi Engkae Hadere...

Parelluki pada matike nenniya rewe maringngerang makkeda de’muagaga masaro yakkegunang rimunri mateta sangadinna amala madecetta. Narimakkuannanaro sibole-boleta engkaki malai sara pekkogi iyyaro pangkauketta naporioi Puang Allahu Ta’ala.

Makkotoparo idi maneng engkae lolang rilebo’na iyyae tanae riebaraki tau mappulung yarega mappaddepungeng batu rilalenna onrong mapettangnge, engka pulung dua lice batu-batu, engka lima lice batu-batu, engka liseki kantong wajunna, engkatona liseki manenggi kantong sulara’na, nenniyya engkato gandengngi, agana napada massuni rionrong matajangnge, aga napada naitani batu-batunna purae napulung, ternyata ulaweng maneng. Aga napa massesse kale manengnni, kecuali iyaro matebbe naitte. Iyanaro gambaranna rupa tauwe, tuwoe ri lalenna lino.

Narampei Puang Allahu Ta’ala ri Surah As-Sajadah aya 12:

öqs9ur #“ts? ÏŒÎ) šcqãB̍ôfßJø9$# (#qÝ¡Ï.$tR öNÎhÅ™râäâ‘ y‰ZÏã óOÎgÎnu‘ !$oY­u‘ $tR÷Ž|Çör& $uZ÷èÏJy™ur $oY÷èÅ_ö‘$$sù ö@yJ÷ètR $·sÎ=»|¹ $¯RÎ) šcqãZÏ%qãB ÇÊËÈ

Bettuanna : Nenniya temmaka mappataggering-kerinna, bennengnge pada muitai iyyaro tau madorakae, engkai patunrui ulunna riolona Puang Allahu Ta’ala nainappa pada makkeda: Eee... Puang engkani pada makkita nenniya engkani marengkalinga narimakkuannanaro, parewekki ri lino engkani koritu melo papole amala madeceng nenniya engkani koritu mateppe.

Sining Umma Selleng Malebbi Engkae Hadere...

Makkoniro matu assesse kalena tau madorakae nasaba wettunna tuo rilino de memetoha naengka nataggiling atinna untuk papole deceng, samanna de namateppe engka riaseng esso rimunri, narekko ritampai risalessurenna nasengngi alena ripakasiri, narekko ripangajari risilaonna nasemmi alena ripakatuna, gangkanna napugau matoi meloe napugau, nalulu matoi pappesangkana agamae, bahkan biasa napuada makkeda monritopi narita “aga tuo aga buru’ “ada bangsana iyyae dehe nasitinaja dipuada idi engkae aleta riaseng aleta mateppe. Nasaba tegaki maelo lao, tennarapita passuke, kutokki ri pottanangnge, kutokki ri tajangnge, kutokki ri pettangnge, musti topada dilolongang, kasi-asi tokki yarega sugi tokki, biccu tokki iyarega macua tokki, pasti siruntuki malaika’e tiwie engngi passuke-e.

Sining Umma Selleng Malebbi Engkae Hadere...

Seddi haddese, iyyae engka narampengakki nabitta engkae pada mabbiasa riengkalinga, yanaritu:

اذا مات بن ادم انفطع عمله الا من ثلاث : صدقة جارية, او علم ينتفع به، او ولد صالح يدعوله.

Bettuanna : “Narekko matei ana’ epona adam mappettuni sininna amala’na, sangadinna tellue seuwwa-seuwwa, yanaritu : Sidekka mallari, paddissengeng makkeguna, dan anak shaleh, iyya simata mellau doangenggi tomatuanna”.

Iyyanaro tellu amala mallari narampengakki nabitta Muhammad SAW wedding mancaji bokong temmawari, engkai wedding suloiki pole ripettanna kuburu’e, nennia engkai mancaji paddagaraga ri seseta, mamuare’I  de napoleiki riasengnge sesse kale, nasaba biasa yaro rupa tauwe naisseng makkeda iyyae deceng, iyyae magello naekiyya dehe nengka namacenning atinna untuk pugaui, nennia biasa risadari makkedae iyye maja, iyye anu makkasolang, ne’kiya yamato anu makkasolangnge simata ripigau. Padahal makkedai tau riolota Matemua watakkaletemmate rampe-rampe, bettuanna ada iyyamitu narampengakki tau engkae rimunritta anu engkae mabbiasa ripogau riwettu tuo ta. Narekko deceng ripigau, deceng totu narampengakki tau engkae rimunritta, narekko ja’ dipugau ja’ tommi tu tuli na rampengakki. Narimakkuannanaro pada laoni mai ppole deceng, na ajakki engka mancaji tau maraja Pahang, nenniya maraja paddissengeng, ne’kiya deaga pangkaukeng, naseba sisebbu ada seddi pangkaukeng, mawere’mupi pangkaukengnge”.

Sining Umma Selleng Malebbi Engkae Hadere...

Iyyanro sikira-kira wala lise katobba rilalenna iyyae wettu mabbarakkae, mamuare pammase nenniya apanginringeng temmappettunna Puang sewwae simata napatabollo riwanuatta, natosalama mallimbang ri wanua siwalie sitarupa alena dewata sewwae yanaritu Ale malebbina Puang Allahu Ta’ala. Aamiin…