Ceramah Bugis: MATTUNTU PADDISSENGENG

Ceramah Bugis:

MATTUNTU PADDISSENGENG

Sukkuru manennungeng mappoji lao ri puang Allahu Ta’ala, puang simata paliccung-liccung pammasena lao ri atanna. Makutopa salawa na mappassalama masse lao ri nabikkeng Muhammad SAW, Nabi pura patiroakki ampe gau madeceng, Nabi jelloangki laleng asalamakeng, salama ri lino wanua leppang-lapangeng, wanua onrong sappa bokong amala madeceng lettu matti salama ri wanua akhera, onrong anyameng-anyamenna tau ri yamasei, iyanitu tau pura paddupa assikeruang jancinna riyolo teppolena ajjallengge, tau malitutui agamana, tuntui pangissenge alebbirenna asellengengnge rigangkanna mattette tenppira pahangnge agamae na matinulu binrrui akkasiwiyang lao ri alena Allahu ta’ala.

Sining Umma seleng engkae hadir..!!!

Mancaji siddi pattaro pole ri Paung raja sewwae Allah Azzawajallah makkutopa Nabikkeng Muhammad saw, makeda sibole-boleta patette ri atitta niya yarega teka madeceng ri tungke-tungke wettu ( bettuanna de siseng weddikki papole itikad tesilolonge atau maja). Nasaba iayamanenna gaue pole ritu ittika yarega niyae.

(INNAMAA ‘AMAALU BINNIAYA). Na makkuannaro idi umma selengge mancaji peloporo adecenge. Appadato pattarona Sayyidul Ammbiya Muhammad Rarusulullah  Makeda  KHAERUKUM ANFAAU LIN NAS bettuanna si deceng-decengmu mennang iayanitu tau maegae papedecenna lao ri padanna rupa tau.

Jadi mappahangki lao ri adae, makkada riyasenggi tao deceng Tania nasaba pangka’na, Tania nasaba abbijangenna, Tania to asugirenna, makkutopa ro Tania nasaba akajjareng pattangareng rupa nendia watakkale. Tapi tau deceng iyanitu tau maegae pappedecengnna.  Naiyanaro nassabari na ri suroki magguru aselengngeng nasaba iayapa missengi pallaisenggi deceng sibawa jae rianitu pangissengeng.

 Mancaji seddi alaama lau ri akkalinotta makkukkuae, iyaro decengge sicampuruni sibawa jae, appadatoi beritana Televisie makkeda engkatona pappangaja asellengeng, engkatona sinetron tennala pattolo lao ri agamae.

Ummma Selleng engkae hadere…

Pura ri pahangnitu denre, makeda manjaji seddi kewajiban lao ri sininna umma sellengnge matuntu pangissengeng, nasaba pangissengeng missing sah tengngesahna siddie akkasiwiyang, pangissenge topa missengi lewa tellewana pangkaukeng. Uppanna lenyeni agama pasti si lenyereng pahangge. Niyakia pahangge sibawaitu pangisengenge.

Narekko lennye’ni pangisengeng agamae, lennye tonitu pakkeade’e, titinni linoe, sianre baleni  rupa taue. Nauzzu billahi min zalik. Naiyana ro uula siparingerrang makeda sibole-boleta sipurio, sipurennu lao ria agamae, na ripatuona maderasata, rijagaini siame’ame’ta. Gangkanna engkau tuo rilalenna lino sibawa ridhanya Allahu ta’ala.

Akhirya..

Nun walkalami wamaa yasthurun

Wassalamu ‘alaikum wr.,wb.