pidato bahas bugis LIMPO ATUONGETTA

Tugas Bahasa Daerah

MEMBUAT PIDATO DALAM BAHASA BUGIS

D

I

S

U

S

U

N

Oleh :

Nama : Nuraini Jumria

Kelas : VIII RMBI

No.Urut : 27

Mata Pelajaran : Bahasa Daerah

MTsN 1 BONE

TAHUN PELAJARAN 2017/2018

Teks Pidato Bahasa Bugis

“LIMPO ATUONGETTA”

Tau malebbiku, Sulessureng nennia rangeng-rangekku iya engkae ri laleng assipaddio-rionge...

Assalamu alaikum warahmatullahi wabarakatu.

Sukkuru’ ki’ mappoji lao ri Puang Allah SWT, nasaba lettu makkokkoe na alekki adisingeng nennia atuo-tuongeng lino na topada si runtu maddeppungeng ri onroang mabbarakkae… Salawa’ nennia mappassalama’ lao ri nabitta Muhammad SAW, iyana ritu nabi iyae jellorengngi laleng malempue  nennia  pitakki acenningenna sellengnge…

Tau malebbiku, nennia sinning engkae hadere’.

Ride’napa naupatterui ada-adakku lebbi riolo maraja dampekka, nasaba ia tettong riolo alebbiretta maneng, tiwi akkatta maelo paletturekki ada-ada apparingerrangeng ri passalenna, ”Limpo Atuongetta” na sitongenna depa usitinaja ia maelo paletturekki, nasaba ia tettong ri olo alebbiretta engkamupa ri laleng mattuntu paddissengeng na temmaega mupa paddissengeng uappunnai. Naekia, tarona naulettukekki, nasaba iyaro riasenge paddissengeng “lallo tassidapi” bettuanna weddingi paddissengeng nappunnaie seddie tau naekia de tosi nappunnai tau lainge, makkutoparo sibalerenna. Narimakkuanna na ro naparellunni sitawa-tawa paddissengeng.

Tau malebbiku engkae hadere’...

Passaleng “Limpo Atuongetta” parellu laddei upangolo, oncopasa lao riolona rangeng-rangekku ana’ pattola ri makkukkuange. Nasaba magai? Saba’na agi-agi ripeneddingie ri makkukkuange ri passalenna aengkangenna peretiwie, engkai ri laleng mappataggerring kering. Peretiwi rionroie nennia sininna anu makkenyawae, pada-padanna olokolo’, tanettaneng pede’ engkani macawe ri apuppurenna nasaba masolannana limpo atuongetta pede’ lao esso pede’ engkai pede’ ri laleng asolangenna. Pura riajeppuini makkedae agaro riaseng limpo atuongeng nennia pekkoga gau’ta barakkuammengi engkaki tette mampiriwi na rijampa apulanangenna.

Agi-aginna limpo atuongeng pada-padanna watu-watue, uwae nennia pada-padanna hawae, pella kecce’e nennia anu makkenyawae iya engkae ri limpota pada-padanna tanettanenge nennia olokolo’e na aja to nariallupai aleta muttamato ri kuae ro.

Agi-aginna limpo atuongetta iya puraenna upaletturekki masse’ i assiraga-raganna nennia punnai assimellereng pole riseddie lao ri anu lainge. Rupa tau, olokolo’ nennia tanettaneng, tempeddingi tuo mannennungeng narekko agi-aginna engkai ri laleng asolangeng nennia riapuppurenna. Rapanna tempeddikki tuo narekko tengengka uwae, olokolo’, nennia tanettaneng.

Rangeng-rangekku iya engkae ri laleng assipaddio-rionge...

Marilaleng maelo upalettukekki, iya muttamae to passabareng pole ri asolangenna limpota. Ri liputa tegi-tegini mompo abala’ e. Pada ritani labu-labu wae matanna seddie tau nasaba’ riengkana sumpung lolona tallemme ri awana tanah maruttunge nasibawai lenye’nana onrong accokkongenna. Seddi ambo sibawa ana’na makkeumuru seppulo taung lennye’ napakkua solo’na wae lempe’e, saba’ tengengkanana ure’ ajukajung mattangkung uwae nennia tahangi lebona tanae.

Seddi ana’lolo mase-mase sojo matojo pura riengkana siangessoni masemmeng natepedding madising, ri kuae ro seddi tau pole orena temmaka ladde’ na reseddena ro seddi makkunrai malasa uli. Ri kuae to ro wettue seddi orowane temmaka kessinng no pole ri seddie oto temmaka kessing teteng tase’ lise’na ro tase’e, sure-sure wassele’ attebbangeng ale’.

De to nacedde’ rita silessuretta iya makurange lolongeng wae mapaccing natennajampa lolang mabela massappa uwae paccing. Pada rita toni ro silessuretta, mannasu kaddo’ bari iya tessitinajaenna rianre.

Ri laing onrong cumpani seddi makkunrai indo-indo mattunu warowo iya sikore warowo pole ri anu weddinge buru’ nennia tempedinge buru’ pada-padanna damae, marola tattunu, napede’ maerungnana zat ozonge iya engkae ri laleng hawae.

Agi-agi engkae ro ri ase’ muttamai saisaqnai pole ri asolangenna alange iya engkae mompo ri liputa. Iyanae mompo nasaba’ acaleongetta na addimunrinna ri asolangenna limpota nennia sinninna iya engkae ri limpota, na ripaccappurenna paompo’i anu maja iya ripeneddingie nennia tenripineddingie.

Sulessureng malebbiku....

Sitongenna anu makkuae ro ri ase’ weddingi de’ napoleiki, rekko melo maneng muki mainge lao ri atassalang-atassalang iya purae ripegau. De namacai alange, rekko maelo muki padecengiwi. Peretiwi ilejja tania tau mattetenge denre tase ro punna, naekia peretiwie pada idi punna makkotoparo ana’ eppota matti. Pada napoadae to sulessanata, ”Peretiwie tania mana pole ri neneta naekia inreng pole ri ana eppota.” Seppulo, duappulo taung purallaloe, neneta makkeumuru’e pituppulo taung, tappere-pereni makkae kalebbong maelo mattaneng sibatu kaluku iya engkae ri ase’na cedde colli, neneta ro temmaddennuangi buah kalukunna ro nalolongeng, naekia iyami napumenasa buah kaluku natanenge ro, ana eppona mi matti peneddingiwi.

Sulessureng malebbiku.

Tentu pada mamminasaki maeloq tuo madising,siraga-raga nennia sipaddio-rio, naekia rimakkuae ro de nasilalo paleqmi,naekia engkapa reso mattongettongeng, apa’ makkedai tau sulessanata, ”Resopa natemmangingi na malomo naletei pammase Dewata seuwae”,bettuanna tempeddingi jaji anu ripuminasaie narekko de tomattongettongeng pogau’ i.

Narimakkuanna na ro uellaui lao ri olo alebbiretta maneng, oncopasa lao ri rangeng-rangekku ana’ pattolae, barakkuammengi tapada siraga-raga mampiriwi apulanangenna nennia asekkekenna peretiwita. Tapammulaini pole ri anu baiccue, rapanna ri limpota barakkuammengi nade napole lempe’e nennia limpota weddingi makudara, tapada siraga-raga mattaneng aju-kajung, pada natunrengie tau malebita, pammarentata”one man one tree“ nennia “go green” bettuanna napumenasaiki pammarentata mattaneng pong aju-kajung pong mariawa sipong aju-kajung tasseddi tau, makkutopa ro naminasai limpo atuongetta makudara pulana.

Makkutopa ro tapada mannennungenni jagaiwi apaccingenna limpota pappada tapabbiasai aleta makkabeang warowo ri onronna, tapabbiasai aleta paccingiwi solongeng engkae ri sedde bolata, barakkuammengi de nalele lasa namo’ demam berdarae, nasaba makkedai warekkadae,”Lele bulu tellele abiasang”, bettuanna iya ro abiasange mawatangi ripinra.

Makkutopa ro pada kitanenni rilaleng ati mapaccitta, tapabbiasai aleta sarekkuammeng nade tollele temattebbang aju-kajung, tapabbiasai aleta de tollele tomakkae tanah,mala kessi nennia mala batu nasaba maelomi mappasugi ale, naekia tiwi abala lao ri ana’ eppota matti. Seuwa ada sulessana,”Narekko tempe’dikki mappedeceng pong mariawa ajana tomakkasolang. ”Ingerangini sulessurekku! addimunrinna atuotta ri peretiwie nennia wettue weddingi pole onro, saba’ pole komi ri limpo atuongetta iya engkae ri makkokkoae. Rekko puppuni limpota pupputoni ro atuongetta idi anu makkenyawae.
Sulessureng malebbiku...

Iyanae urapi upalettukekki, mamuarei weddingi papole akketujung lao ridi maneng, oncopasa lao ri silessurekku, rangeng-rangekku ana pattolae, barakkuammengi weddikki tungkai limpota. Padato adanna tau sulessanae, ”Narekko tania idi igana pale, narekko tania ri makkokkoae uppannapa pale?”
Wassalamu alaikum warahmatullahi wabarakatu